移居台灣 真實生活
今日里奧叔叔同平時一樣早起送小朋友返學，食完早餐之後就冇野做啦，點解？本來以為疫情好快就控制到，點知有海軍確診仲去過好多地方，依家市民都人心惶惶唔敢亂出街，公司同事都改為Home office 。
嚟左5年，其實台灣係咪真係咁好？
每個地方都有優點缺點，台灣又點會例外呢？太多人講台灣點好點好，有些方面里奧叔叔都好認同，但亦都有唔少生活上唔適應既地方，既然決定嚟到台灣就要努力去接受和習慣，今日唔洗返工就早D同大家分享下其中一樣初到步最唔適應既事。
交通秩序混亂
台灣人一般好有禮貌，但呢種禮貌好多時候唔會用係道路上，亂cut線、衝紅燈、不禮讓等，係台灣揸過車既人一定知道里奧講緊乜，加上機車「棉羊仔」左穿右插，幾乎隔幾日就會睇到路上有機車炒車，所以里奧嫂嚟左幾年死都唔揸車，佢情願曬住咁行去街市買餸都唔揸，就係咁，里奧叔叔就成為左家裡唯一既司機。
如何適應台灣的交通？
一字記之曰「慢」，市區要慢、轉右要極慢，因為你會隨時見到右邊有人或機車隨時出現，只有慢你先可以確保意外不發生，里奧叔叔初嚟報道頭兩年就撞過兩次機車😰。
是咁的，兩次既情況差不多都一模一樣，里奧叔叔揸部大大的SUV 打燈轉右，望一望鏡睇唔到有部機車係右邊盲點，機車見我打燈轉右就加速想超過我，就係呢個電光火石之間，里奧車頭就撞到佢車尾，好彩車速唔快但機車一樣會撞到一仆一碌。
里奧叔叔當然有責任，因為作為大車的駕駛員一定要睇清楚確保係你右邊冇機車先可以轉右，不論係咩情況都好，汽車撞機車大部份責任都在汽車駕駛員，但最難既就係當遇到繁忙時間，你要轉右但右邊既機車會不停出現，而且大家見到你打燈都會想超過埋，紛紛扒頭，你如果停係路上等的話，可以要等好耐🤣
人生路不熟最好買重保險
里奧叔叔都幫部車買足全保「乙式保險」，意外後就立即報警，台灣治安唔錯，我成日都覺得警察最忙就係處理交通事故，第二次意外里奧比較深刻。
因為機車駕駛員擦傷送院，落口供後留底左雙方聯絡電話，事後里奧叔叔有打電話問候一下，知道驗查冇事之後已經出院就安心，後續既事就交比保險公司，不然要自己處理會比較麻煩。
點解自己處理會比較麻煩呢？
其實當時里奧除左報警之外都唔知要做D乜野，事故關心後對方就每個星期打一次電話比我問賠償，里奧叔叔亦表示因為已交由保險公司處理所以請對方聯絡保險公司，但對方似乎不太滿意保險公司處理緩慢，就係咁，對方唯一選擇就係打電話比里奧叔叔，而里奧叔叔唯一可以做既亦只有請對方打電話比保險公司，但每次都要花少少時間聽對方在電話中發下牢騷
下次同大家分享下台灣人的好奇心
#里奧叔叔的台灣生活
#台灣移民
#投資移民
Search